曼城或放弃贝拿度施华 替补人选锁定

xcy232323

曼城今季成绩沉沦，英超衞冕无望、欧联亦喺附加赛被淘汰，据报夏天将会进行「大换血」，继奇云迪布尼落实离队後，葡萄牙中场贝拿度施华盛传可能会被放弃，结束8年「蓝月亮」生涯。
30岁嘅贝拿度施华自2017年加盟曼城後，一直系球队核心人物，佢同曼城合约去到2026年完结，今个夏天系曼城「卖个好价」嘅最後机会。据《Football Insider》网站报道，已有西甲、葡超同沙特球会表示有意收购，曼城将会喺球季完结後同贝拿度施华商讨去留。
报道指曼城属意全面年轻化，夏天约满嘅奇云迪布尼已宣布离队，贝拿度施华亦可以走人，而曼城已经锁定阿根廷新星尼高柏斯，呢位20岁新星系皇马青训产品，上年加盟意甲科木後大放异彩，哥迪奥拿认为佢系贝拿度施华最佳接班人，不过消息指皇马有回购尼高柏斯优先权，曼城抢人会有难度。